290. Ningukwona aja Mwathi wakwa
1.
Ningukwona aja Mwathi wakwa,
Ngakugwata na witikio bwakwa;
Na ngüküreetere wonje bwakwa.
Nciigikanîtie na wega bwaku.
2.
Ni nkuria Mugate jwaku nandi,
Ningi nyue Ndibei ya Îgûru;
Na nogokue mûrigo jwa meeyia,
Ncamithue thiîrî ya kurekerwa.
3.
Nümbarîrîîte Metha yaku aja,
Igita rii ni ria kitharimo;
Ndie na nyue tugwatanire nagwe,
Nani nkaang'anwa ni wendo bwaku.
4.
Into nîbieberagua Methe-ne,
Indi wendo bwaku bûtîthira;
Gwe uri o, ututhaarimage,
Nigwe Weru bwakwa o na Rong'o.
5.
Meeyia ni jakwa, wagîru i bwaku
Ni tharike ithiragia mugiro
Numbîkîrîte nguu ya wagîru,
Muntangiri, kimatuko gîakwa.
6.
Biatho bibiingi i bikurukaga,
Nabio nîbio bitworontagîra,
Kiatho kinene gia Gatürüme;
Kiujuri ni kugwirua na wendo.
Comments
Post a Comment